Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori

* Bibliografia
* Testimonis
* Aparat crític
* Imatges

 

Soltau, Otto. Die Werke des Trobadors Blacatz. "Zeitschrift für romanische Philologie", 23 (1899), pp. 201-248.

Codi: 098,002=097,011 Autor: Bonafe, Blacatz Gènere: Tenso Número: VI

 

Seign'en Blacatz, talant ai que vos queira

   
Bonafe e seign’en Blacatz.
     
I
1
Seingn’en Blacatz, talant ai que vos queira
   
De la terra don avetz tal sobreira
   
E donatz me, si·us platz, vostra verqueira
   
E l’omenesc d’en Guillem de Barreira,
 
5
E puois er tan vostra proes’ enteira
    Que ben valretz en Raimon Oblacheira.
     
II
 
En Bonafe, qui·us fez de l’oill saleira
   
Molt fo cortes, quar n’ostet la lumeira,
   
E s’ab armas vos encontr’en carreira
 
10
Greu faillira que de·l pe non vos feira ;
   
Qu’encontres d’orb ni de gent eschacheira
    No m’abellis quant desplec ma seigneira.
     
III
 
Seign’en Blacatz, de nuoitz a la lumeira
   
Es plus temsutz que laire ni lobeira.
 
15
Tant ric assaut fezes a la Cadeira
   
Qu’a·l Torronet sentiron la fumeira ;
   
Que·ill hermitan e·l genz hospitaleira
    Sabon ades vostra major paubreira.
     
IV
 
En Bonafe, rica gens mercadeira
 
20
Vos fez aquo que·us par a la fronteira.
   
Ben car comprest so qu’emblez en la feira,
   
Qu’enquer n’anas tiran per la ribeira,
   
E tira vos tiraillz come lebreira ;
    Mas greu penretz ja mais lebre corseira.
     
V
25
Seingn’en Blacatz, vostra domna derreira —
   
D’un temps foratz, mas ill nasquet primeira.
   
Quez eu non sai tant vieilla soldadeira ;
   
Mas ill es rich’e bona norrigueira.
   
Per tant n’avetz la veilla formageira
 
30
Car non trobatz autre que la·us enqueira.
     
VI
 
Oi ! Bonafe, orbacha mensongeira,
   
De grant enoi as plena t’amosneira !
   
E totz rics hom q’en sa cort te sofeira
   
Fai grant enuoi, e l’enois dobl’a teira.
 
35
Enpenriatz un estront de saumeira
    Astretan leu com una figa neira.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI