Bec, Pierre. Burlesque et obscénité chez les troubadours. Pour une approche du contre-texte médiéval. Paris: Stock, 1984.

Codi: 461,137 Autor: Anonyme Gènere: Cobla Número: XI

 

Grèu tròb'òm natural sen

I	1	Grèu tròb' òm natural sen
		En una femn' en vertat ;
		Que son voler cambïat
		Li trobaretz mantenen,
	5	Si la faitz un pauc irada,
		E pòis tantòst s'es cambiada
		E tot, aitan quan sabria,
		Quant es irada, diria,
		Ieu tenc cel dessenat
	10	Que secret en celat
		Vòlh'a femna descobrir.
		Qu'ieu n'ai vist grans res venir
		En decazement e a mòrt
		Qu'ab ben celar foran estòrt.