De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Codi: 457,036=310,003 Autor: Uc de Sant Circ, Nicolet de Turin Gènere: Cobla avec tornada (et réponse) Número: LXXXIV

 

Si madompna N’Alais de Vidallana

		N’UC DE SAN SIRC :
I	1	Si madompna N’Alais de Vidallana
		Saubes cant eu sai a dompna valer,
		Ni cum eu sai far semblar sobeirana
		Tota dompna q’eu voilla mantener,
	5	Ja nom fora de solatz tan loingtana
		En son pais, cant eu l’anei vezer;
		S’il no m’onret, oranz ai en Breissana
		Na Donella, ques fai a totz plazer
		Ab cortes dichz et ab valor certana.
II	10	Na Salvaga, d’aitan siatz certana :
		Qe l’onramenz de vos me fai plazer
		Lombardia e la Marcha e Toscana.
		NICOLEZ DE TURRIN li respondet:
I		N’Uc de Saint Circ, sabers e conoissenza
		Tolc a N’Alais car nous ac bel solatz;
	15	Car, c’il en vos conoges la valenza
		Ni lo saber qe vos aver cuidatz,
		Beus mostrera tan bela captenenza
		Qe totz temps mais en foratz son pajatz;
		Mas il nous vi tant d’art ni de sabenza
	20	Qe de dompnas tant de be dir saçatz
		C’ajan granz laus per vostra mantenenza.
II		Na Donella sai qe n’a penedenza
		Car vos onret, e Salvaga nom platz
		Car vos acuoill nius fai bella parvenza.