De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Codi: 181,001=156,001 Autor: Graf von Biandrate, Falquet de Romans Gènere: Cobla (et réponse) Número: LXXXIX

 

Pois vezem qu’el tond e pela

		LO COMS DE BLANDRA:
I	1	Pois vezem qu’el tond e pela,
		Falquez, e no gara cui,
		S’eu era nom gart de lui,
		Serai folz, zo poira dire;
	5	Doncs conselh li darai gen,
		Et er folz s’el no l’enten:
		C’ades son viatge
		Tenha dreit vas son estatge,
		Que sai van la genz disen
	10	Que per cinc cenz marcs d’argen
		Noill calria metre gage.
		FALQUETZ DE ROMAN li respos:
II		Aissi com la clara stella
		Guida las naus e condui,
		Si guida bos prez selui
	15	Qu’es valens, francs e servire;
		E sel fai gran falhimen
		Que fo pros e s’en repen
		Per avol corage;
		Que un sai tal c’a mes en gage
	20	Prez e valor e joven,
		Si quel febres lo repren,
		Qui l’enquer; tant lh’es salvage.