De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Codi: 217,004c=010,036 Autor: Guilhem Figueira, Aimeric de Peguilhan Gènere: Tenson brève Número: CII

 

N’Aimeric, qeus par del pro Bertram d’Aurel

I	1	«N’Aimeric, qeus par del pro Bertram d’Aurel
		C’a Breissa joget l’autrier d’un joc novel,
		E dis doas vez: “Escha!” ab un coltel
		A ’N Guillelm del Dui-fraire,
	5	Qe vole l’eschah desfaire,
		Mas Bertramz levet del joc, can Guillelras cuidet traire?»
II		«Figera, Bertramz fez be, car, ses apel,
		Laisel joc sobrel malestre d’En Sordel;
		Qe, can trop mont’on revit, non es ges bel;
	10	El seus contrajogaire
		Fora tost revidaire;
		Doncs fetz qe savis Bertramz, car ses dan s’en saup raire».
III		«N’Aimeric, bos jogaire
		Fon Bertramz l’envidaire,
	15	Mas trop tost laisset l’envit qe Guillelms li volc faire».
IV		«Figer’, anc per lo fraire
		Fon del joc laissaire
		Bertramz, mas per desdeing qe tan pugnu’a traire».