De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Codi: 457,020a=016a,001 Autor: Uc de Sant Circ, Albric Gènere: Échange de coblas Número: CIII

 

Mesier Albric, som prega Ardisons 

I	1	«Mesier Albric, som prega Ardisons:
		Qu’ieu vos deja mostrar saviamenç
		Com el l’autrier fo faiç novel espos,
		Et c’arail fail meils e vins e formenç,
	5	Tan qeil moillier s’en rancur’e s’en lagna;
		Per qel Sordel vos prega, et eu lo voill,
		Qeil fasaç dar un car d’erbas de moill
		E tant de meil don viva sa compagna».
II		«N’Uc de San Sir, tot per amor de vos
	10	E del Sordel, car es pros e valenç,
		Voil que del meu aja Ser Ardiçons
		Tant, c’al partir s’en an gai e jausenç;
		Que eu cre ben qe viandail sofragna;
		Pero del meil de si dire non voill,
	15	Mas ben darai un car d’erbas de moill,
		Si hom las pot trobar a la campagna».