De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Codi: 352,001 Autor: Peire de la Mula Gènere: Deux coblas avec tornada Número: CXX

 

Dels joglars servir mi laisse 

I	1	Dels joglars servir mi laisse;
		Seignor, aujatz per que ni com:
		Car lor enois creis e poja,
		E qui mais los serv mescaba,
	5	Car cel que meins valra que tut
		Vol c’om per meillor lo teigna;
		E son ja tant pel mon cregut
		Que mais son que lebret menut.
II		Lor affars cuich que abaisse
	10	Car ill son plus pesan que plom,
		Et es en mais que de ploja;
		Per q’ieu non pretz una raba
		Lor mal dir, anz cre que m’ajut;
		E vuoill q’alz baros soveigna
	15	C’aisi teing eu lor pretz cregut,
		S’il son d’avol gen malvolgut.