De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Codi: 461,209a Autor: Anònim Gènere: Dos coblas Número: CXXIV

 

Ki de plazers e d’onor

I	1	Ki de plazers e d’onor
		E de saver e de sen
		E de complida valor
		E de tot ensenjamen
	5	E de fin pretç esmerat,
		Complit de fina beltat,
		Vol audir novas on son,
		An s’en dreit a Calaon.
II		E sus, al pe de la tor,
	10	Trovara verajamen
		Lo jent cors plen de dolsor:
		Donna Johana plazent;
		E, s’eo non ai dit vertat
		De zo qu’en ai devisat,
	15	Perd’eu loras a bandon
		Kem mostre ja sa faizon.