De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Codi: 167,062 Autor: Gaucelm Faidit Gènere: Canso Número: XXIV

 

Tuich cill que amon valor

I	1	Tuich cill que amon valor
		Devont saber que d’Amor
		Mou larguessa e gais solatz,
		Orguoills et humilitatz,
	5	Pretz d’armas, servirs honor,
		Gens teners, jois, cortesia;
		Doncs, pois son mou, ben deuria
		Chascus poignar, qui bon pretz vol aver,
		De fin’Amor leialmen mantener.
II	10	E sis fant lo li meillor
		Cui pretz complitz a sabor;
		Mas li feignedor malvatz
		Ant, ab falsas amistatz,
		Vout pretz en avol color...
VIII	15	Vas Monferrat ten ta via,
		A Mon-Tesaur, ses faillia,
		E dil, chanssos, que ill sap mieills valer
		De nulh autre que hom puosca vezer.