De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Codi: 167,054 Autor: Gaucelm Faidit Gènere: Canso Número: XXV

 

Sitot re nonca s’es grazitz

I	1	Sitot re nonca s’es grazitz
		Tant, cum sol, chans ni solatz gais,
		Non er q’eu jauzens no m’eslais
		D’un vers far, don sui enquisitz;
	5	Car cel q’a bon’ escienssa
		Deu far so c’a Pretz agenssa:
		Non deu celar son saber ni cubrir
		Lai on cove a mostrar ni a dir,
		Q’en totz luocs val adrecha chaptenenssa.
II	10	E nois taing q’estei plus marritz
		Ni vir mon cor fin en biais;
		Pero trop mi carguet greu fais
		La bella fais’ enganairitz...
VI		Mos vers volrai que si’ auzitz
	15	Per mon Bel-Thesaur, part Clavais,
		Qu’il es de Pretz clartatz e rais;
		E an, qand er de lui partitz,
		A’ N Ric-de-joi a presenssa
		Dir q’En Sobeirans d’Argenssa
	20	E ma dompna m’a fait de lai venir;
		Car, si per els no fos, er, ses faillir,
		For’ieu Lombartz de sen e de valenssa.