Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Bibliografia de l'edició

* Davantal
* Testimonis
* Aparat crític
* Traduccions

 

Branciforti, F.. Le rime di Bonifacio Calvo. Catania: Università di Catania. Biblioteca della Facoltà di Lettere e Filosofia, 1955

[CdT en procés d'incorporació]

Codi: 101,005 Autor: Bonifaci Calvo Gènere: Sirventes Número: VIII

 

Enquer cab sai chanz e solatz

I 1    Enquer cab sai chanz e solatz
       pos los mante lo reis n'Anfos;
       mas si per lui tot sol no fos,
       ja·ls agron del tot oblidatz.
  5   E pois qu'el los vol mantener
       non met'amor a noncaler,
    car, senz amor, chanz ni solatz no val,
    ni a sabor plus que conduitz ses sal.
     
II      Per amor fon chantars trobatz,
  10    car chantars et esser ioios
       es dreitz mestiers dels amoros,
       e dels autres non, zo sapchatz.
       E mais dic, c'om non pot valer
       granmen, ni far ben son dever
  15 en nuil afar, ni·s sab gardar de mal
    cortezamen, puois que d'amor no·ill cal.
     
III      E se·l reis n'Anfos, qu'es senatz
       en totz faitz e valenz e pros,
       lauza mon dig, ben es razos
  20    qu'el dei'esser enamoratz
       e qu'el ab amoros voler
       se voill'en guiza chaptener,
    per qu'amatz sia coralmen de tal,
    con taing al seu fin pretz sobrecabal.
     
IV 25    E sitot es l'arbres loingnatz,
       per que·il fo l'amars saboros,
       del sieu digne frug glorios
       no·s laisset tant e tal, c'assatz
       pot del mescab restaur aver;
  30    e car en posc ben dir lo ver,
    fatz mon mestier, mas non dirai ges qual,
    car ai paor de plaig descomunal.
     
V      E s'en fol no·m sui trebaillatz
       ben me·n venra tals guiardos,
  35    que·n seran trist e consiros
       cil per qu'eu sui sems e mermatz
       del gran deport e del plazer
       qu'eu soil aver lo iorn e·l ser
    dels mieus mestiers, -don ai dolor coral -,
  40 e maint autre que no i podon far al.
     
VI      Reis de Castell'al mieu parer
       be·us ai per mon chan faig saber
    zo qu'eu devia per plazer de tal
    que·us deu plazer, si·us plai zo que mais val.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI