Bartsch, Karl. Denkmäler der Provenalischen Litteratur. Stuttgart:Litterarische Verein, 1856

[CdT en procés d'incorporació]

Codi: 082,024 Autor: Bertran Carbonel Gènere: Cobla Número: 2.42

 

Huey non es homs tant savis ni tant pros

I	1	Huey non es homs tant savis ni tant pros
		Que no falha o en ditz o en faitz;
		Pero qui falh el fallimen li platz,
		Razos no vol li sia faitz perdos:
	5	Mas sel que falh e conois son falhir
		E s'en penet, dreitz no l'en deu punir.
		E qui no fai lo on cove perdo
		Falh atressi, car el no siec razo[n].
		Per que totz homs deu far perdonamen
	10	Als penedens et als sieus majormen.