Linskill, Joseph. The Poems of The Troubadour Raimbaut de Vaqueiras. The Hague: Mouton & Co

Codi: 392,005a Autor: Raimbaut de Vaqueiras Gènere: Lamento di donna Número: XXIV

 

Female Song

I	1	Altas undas que venez suz la mar,
		que fay lo vent çay e lay demenar,
		de mun amic sabez novas comtar,
		qui lay passet? No lo vei retornar!
	5	Et oy Deu, d’amor!
		Ad hora·m dona joi et ad hora dolor!
II		Oy, aura dulza, qui vens dever lai
		un mun amic dorm e sejorn’ e jai,
		del dolz aleyn un beure m’aporta·y!
	10	La bocha obre, per gran desir qu’en ai.
		Et oy Deu, d’amor!
		Ad hora·m dona joi e ad hora dolor!
III		Mal amar fai vassal d’estran païs,
		car en plor tornan e sos jocs e sos ris.
	15	Ja nun cudey mun amic me traÿs,
		qu’eu li doney ço que d’amor me quis.
		Et oy Deu, d’amor!
		Ad hora·m dona joi et ad hora dolor!