Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Glossari

* Davantal
* Bibliografia
* Testimonis
* Aparat crític
* Traduccions
* Imatges

 

Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Codi: 003,003 Autor: Ademar lo Negre Gènere: Canso Número: I

 

De solaz e de chanzos

I
1
      De solaz e de chanzos
   
e de plazers far e dire
   
cugei ostar mon cossire;
   
      mas cel q'es francs, cars e bos,
 
5
      Roiz Dies, vol qu'eu chan,
   
      e pos de lui n'ai coman,
   
farai chanzon ses aiuda
    d'amor e de bona druda.
     
II
 
      Mas la bona sospeissos
 
10
q'eu n'ai, me fai gent assire
   
moz e sons, per qu'eu m'albire
   
      ço dunt puosc esser ioios;
   
      qu'eu aten la plus prezan,
   
      e s'ella·m fai bel semblan,
 
15
cant sera lai ma venguda,
    gent m'aura ioia renduda.
     
III
 
      Mas eu sui tant enveios
   
de lei vezer cui dezire,
   
qu'inz en mon cor la remire
 
20
      e vei sas bellas faichos;
   
      per cho m'auci desiran,
   
      quant la remir en pessan,
   
c'ades la cuich vezer nuda
    enaissi con l'ai veguda.
     
IV
25
      E plairia·m q'aissi fos,
   
mais non es, per q'eu n'azire
   
mon cor e·n plaing e·n sospire,
   
      q'enaissi·m venz l'ochaisos,
   
      q'ella no·m fai tort ni dan,
 
30
      mas qar eu no·ill sui denan,
   
non sai si·m vol o·m refuda,
    per q'ai ma ioia perduda.
     
V
 
      Domna cortesa e pros,
   
la gencer qu'el mont se mire,
 
35
per vos sui en greu martire;
   
      pero anc non fui clamos
   
      de vostr'amor tan ni qan,
   
      q'eu fera tort et enian,
   
c'ab vos ai m'honor creguda,
 
40
per que mos cors no se muda.
     
VI
 
      Bona domna, ses enian
   
vos am e·us ai car tenguda
   
e ma voluntat renduda;
   
      e quar eu vos vi antan,
 
45
me·n es tals paors venguda
    q'eu vif com caus' esperduda.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI