Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Bibliografia de l'edició
* Glossari

* Davantal
* Notes
* Traduccions

 

Anglade, Joseph. Les poésies de Peire Vidal. Paris: Librairie ancienne Honoré Champion, 1913

Codi: 364,042 Autor: Peire Vidal Gènere: Canso Número: VII

 

S'eu fos en cort on hom tengues dreitura

I 1 S'eu fos en cort on hom tengues dreitura,
    De ma domna, sitot s'es bon' e bela,
    Me clamera, qu'a tan gran tort mi mena
    Que no m'aten plevi ni covinensa
  5 E donc per que·m promet so que no·m dona,
    No tem peccat ni sap ques es vergonha.
     
II   E valgra·m mais que·m fos al prim esquiva,
    Qu'ela·m tengues en aitan greu rancura ;
    Mas ilh o fai si com cel que cembela,
  10 Qu'ab bels semblans m'a mes en mortal pena,
    Don ja ses leis no cre aver garensa,
    Qu'anc mala fos tan bela ni tan bona.
     
III   D'autres afars es cortez' e chauzida,
    Mas mal o fai, car a mon dan s'abriva,
  15 Que peitz me fai, e ges no s'en melhura,
    Que mais de dens, quan dol en la maissela;
    Que·l cor me bat e·m fier, que no·s refrena,
    S'amors ab leis et ab tota Proensa.
     
IV   E car no vei mon Rainier de Marselha,
  20 Sitot me viu, mos viures no m'es vida ;
    E·l malautes que soven recaliva
    Garis mout greu, ans mor, si sos mals dura.
    Doncs sui eu mortz, s'enaissi·m renovela
    Aquest dezirs que·m tol soven l'alena.
     
V 25 A mon semblan mout l'aurai tart conquista,
    Car nulha domna peitz no s'aconselha
    Vas son amic, et on plus l'ai servida
    De mon poder, eu la trob plus ombriva.
    Doncs car tan l'am, mout sui plus folatura
  30 Que fols pastres qu'a bel poi caramela.
     
VI   Mas vencutz es cui Amors apodera ;
    Apoderatz fui quan ma domn' aic vista,
    Car nulh'autra ab leis no s'aparelha
    De pretz entier ab proeza complida.
  35 Per qu'eu sui seus e serai tan quan viva,
    E si no·m val er tortz e desmezura.
     
VII   Chansos, vai t'en a la valen regina
    En Arago, quar mais regina vera
    No sai el mon, e si n'ai mainta quista,
  40 E no trob plus ses tort e ses querelha.
    Mas ilh es franc' e leials e grazida
    Per tota gent et a Deu agradiva.
    E car lo reis sobr'autres reis s'enansa,
    Ad aital rei coven aitals regina.
     
VIII 45 Bels Castiatz, vostre pretz senhoreja
    Sobre totz pretz, qu'ab melhors faitz s'enansa.
     
IX   Mon Gazanbat sal Deus e Na Vierna,
    Car hom tan gen no dona ni guerreja.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI