Anglade, Joseph. Poésies du troubadour Peire Raimon de Toulose . Toulouse: E. Privat, 1920

(CdT en procés d'incorporació)

Codi: 355,001 Autor: Peire Raimon de Tolosa Gènere: Descort Número: [I]

 

Ab son gai plan e car

I	1	Ab son gai plan e car
		Fas descort leu et bon,
		Avinen per chantar
		E de bella razon:
	5	E s'eu pogues trobar
		A leis, cui Dieus bes don!
		Chausimen, ges no·m par
		Agues ren si ben non.
II	10	Car cela m'a conqes
		On son tuit faich preisan,
		E anc tan bella res
		No fo on vir e m'an;
		Car son fin pres cortes
	15	Puoja e creis e s'espan;
		E s'eu ren far saubes
		Qe il venghes en talan!
III		Ben fora rics e gais,
		Ses pen'e ses dolor,
	20	Si cela cui bons prez nais
		Mi volgues dar s'amor,
		Q'aisi·l sui fis e verais
		E ses cor trichador;
		Et a cen tan e mais
	25	Q'eu vos die de valor.
IV		Tan m'agenza
		Sa parvenza
		Que d'al no consire;
		Penedenza
	30	Et abstinenza
		Ai c'altra non mire,
		Mantenenza
		Ab sovinenza
		Ai gran del martire.
	35	Car plivensa
		Ses fallensa
		Que ja nno traire,
V		Farai sos mans a mon poder,
		Car ren mai
	40	Tan no·m plai,
		Sitot mi fai doler;
		E s'eu n'ai
		Un dolz bai,
		Ren no·m pot dan tener.
VI	45	Bella domna, aiaz chausimen
		De mi q'eu non ai mais secors,
		Et ja per malvais parlamen
		No·us bais ni'streing vostras lauzors
VII		Descors, vai al conte valen
	50	De Savoia, car sa valors
		Meillora tot jorn e no men,
		Sos ries pres val mai dels meillors.