Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Codi: 226,002 Autor: Guillem de Mur Gènere: Chanson de croisade Número: LXIV

 

D'un sirventes far mi sia dieus guitz

I	1	D'un sirventes far mi sia dieus guitz,
		quar comensat l'ay per bona razo,
		quar lo sanh vas on dieus fon sepelitz,
		volon liurar aissilh qui de luy so;
	5	e siatz cert, quals que se·n entremeta
		e n'yntr'en mar ab bona entensio,
		que Jhesus Cristz en tan bon luec los meta
		en paradis, quon li siey martir so.
II		Pero quascus gart quon ira garnitz,
	10	quar dieus no vol qu'ab l'autruy garnizo,
		de qu'autre a tort sia despossezitz
		lai pas nulh hom ses satisfactio
		far; qu'ieu non cre qu'aital home prometa
		dieus son regne ni que s'amor li do,
	15	si ben lai vay ab arc ni ab sageta,
		qu'el sout que pren, cobra son gazardo.
III		Non cre sia per dieu gent acullitz
		ricx hom que pas ab l'autruy messio,
		ni selh qu'a tort n'a los sieus descauzitz
	20	ni fai raubar per aquelh' ochaizo;
		quar dieus sap tot que porta en sa maleta,
		e s'ap tortz vay, treballa·s en perdo,
		quar dieus vol cor fin ab volontat neta
		d'ome, que pas mais per luy que per do.
IV	25	Don tem que moutz n'i aura d'escharnitz,
		quar mais los aug querre·l sout que·l perdo,
		e dels tortz vielhs vey paucs restituitz,
		. . . . . . . . . . . . . . . . . . . . . . . . . . . . . .
		quar yeu no vey qu'om esmenda trameta
	30	ni say ni lay, e no·n cre nulh sermo
		q'us raubaire per la crotz d'una veta
		ses esmendar venh'a salvatio.
V		. . . . . . . . . . . . . . . . . . . . .
		. . . . . . . . . . . . . . . . . . . . .
	35	. . . . . . . . . . . . . . . . . . . . .
		. . . . . . . . . . . . . . . . . . . . .
		. . . . . . . . . . . . . . . . . . . . .
		. . . . . . . . . . . . . . pren passio,
		ont elh la pres aspr', a nostr'ops dousseta,
	40	qu'eram liurat tug a perdicio.
VI		L'arcivesque prec de cuy es Toleta,
		qu'amoneste lo bon rey d'Arago
		que per complir son vot en mar se meta
		e per tener en pes son bon resso.
VII	45	E s'al comte de Rodes platz que.m meta
		en mai d'arnes, yeu mezeis . . . . . .