Audiau, Jean. Les poésies des quatre troubadours d'Ussel, publiées d'après les manuscrits. Paris: Librarie Delagrave, 1922.

Codi: 129,002=194,005 Autor: Eble d'Uisel, Gui d'Ussel Gènere: Échange de coblas Número: XVI

 

En Gui, digaz la qal penriaz vos

I	1	En Gui, digaz la qal penriaz vos,
		E non mentaz, sitot vos faiz feignenz :
		Capa de pers un mes denant Avenz
		E grans osas afaitadas ab ros
	5	Tro a kalenda maia,
		O tot l’estiu dona cortesa e gaia,
		Bella, de cors humil, de bona fe
		E tot’ aital cum a fin drut cove ?
II		N’Ebles, ges eu no son aissi cum vos,
	10	Qe·m teigna dan freichs ni ploja ni venz ;
		Qe fin’ amors m’en deffent e jovenz
		Que m’art lo cor aissi totas sazos
		Q’a pauc no vau ses braia ;
		E de domna no cuidez q’eu m’estraia,
	15	E la capa lais a vos, cui cove,
		E·il domna sai que no·us faria re.