Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Bibliografia de l'edició
* Glossari
* Observacions

* Davantal
* Bibliografia
* Testimonis
* Aparat crític
* Traduccions
* Imatges

 

Audiau, Jean. Les poésies des quatre troubadours d'Ussel, publiées d'après les manuscrits. Paris: Librarie Delagrave, 1922.

Codi: 010,037=136,005 Autor: Aimeric de Peguilhan, Elias d'Uisel Gènere: Tenso (Partimen) Número: XXIV

 

N'Elyas, conseill vos deman

I
1
N’Elyas, conseill vos deman
   
De lieis c’am mais c’autrui ni me,
   
Qe·m ditz qe·m colgara ab se
   
Una nuoich, ab qe·il jur e·il man
 
5
Que non la fortz part son talan,
   
Mas q’eu estei baisan tenen :
   
Del far digatz m’al vostre sen,
   
S’es mieils c’aissi sofra et endur
    O part son voler me perjur ?
     
II
10
N’Aimeric, e·us vauc conseillan
   
Que, s’ab si·us colga, faitz l’o be ;
   
Car qui sa dompna en son bratz te,
   
Fols es, s’aillor la vai cercan ;
   
.  .  .  .  .  .  .  .  .  .  .  .
 
15
Car s’ieu era ab midonz jazen
   
E n’avia faich sagramen,
   
Faria l’o, so·us assegur,
    Qui que m’en tengues per perjur.
     
III
 
N’Elias, a lei de truan
 
20
Me conseillatz er et ancse ;
   
Mal a qui del conseill vos cre,
   
E sai ben qe·il fals vos creiran,
   
Cill que non amon tan ni qan ;
   
Car Dieu e sa dompna eissamen
 
25
Pert qui aisso qe·il jura men,
   
Per q’al tenen baisan m’atur,
    Ab cor que del far non perjur.
     
IV
 
N’Aimeric, vilania gran
   
Dizetz e rasonatz desse ;
 
30
Car s’ab lieis jatz q’am mais que me,
   
Ja als non l’irai demandan ;
   
Mas bellamen rizen jogan
   
L’o farai, puois plorarai m’en
   
Tro qe·m perdon lo faillimen ;
 
35
Puois irai pelegrins part Sur
    Queren Dieu perdon del perjur.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI