Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Codi: 335,036 Autor: Peire Cardenal Gènere: Sirventes Número: XCVIII

 

Maint baro ses lei

I	1	Maint baro ses lei
		doloiros savai
		sai,
		que, can eu lo vei,
	5	vida mi desplai,
		ai!
		d'un gran malavei.
		per que no se·n vai
		lai
	10	on n'aten plaidei,
		trop malvas issai
		fai.
		Mortz, que los plazens
		prens
	15	e·ls proz e·ls prezanz
		tans,
		e·ls malvas dolens
		lens
		messongieirs truans
	20	blans,
		non es chauzimens
		gens;
		ans es dols e dans
		grans,
	25	qui cortezas gens
		vens
		e·ls crois sofre tans
		ans.
		Que puesc dire,
	30	can mentire
		si fai apelar
		bar,
		escharnire
		ab dezire
	35	de tot mal istar
		far?
		can cossire
		e remire
		lo fait e·l parlar
	40	var,
		eu arbire
		que traire
		lai pot encontrar
		par.