Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Codi: 461,196 Autor: Anonyme Gènere: Dansa Número: CLIV

 

Pos qu'ieu vey la fualla

I	1	Pos qu'ieu vey la fualla
		verdear entre la flor,
		chantar vual per fin' amor;
II		Quar fin' amors mi ten gay
	5	e mi fay
		viure tot iorn sens consire,
		per qu'ieu d'amar no·n partray
		leys que·m play
		tant qu'ieu mays ren non desire
	10	mas sol qu'ella vualla
		que de sa valent valor
		puascha chantar a ss'onor.