Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Codi: 461,230 Autor: Anonyme Gènere: Dansa (fragment de deux coblas) Número: CLVI

 

Tant es gay' es avinentz

I	1	Tant es gay' es avinentz
		midonz, que fin pres ampara,
		es a beutatz si plasens
		per qu'ieu l'am e la tenc cara.
II	5	Tant la say de ioy cumplida
		que no·n a par, ses mentire,
		gaya, proz es exernida,
		per qu'ieu l'am ses comtradire;
		e par eslumenamentz,
	10	tant a fresca color cara,
		e a tots bons compliments
		e valor qu'en re no·s vara.