Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Codi: 461,244 Autor: Anonyme Gènere: Deux coblas Número: CLXI

 

Una ren ai conoguda

I	1	Una ren ai conoguda
		de trassions e d'enguans:
		cals que sia·l guaps ni·l bruda,
		piegers es colpa que dans,
	5	que del dan guaris le traitz,
		e·l tracier non es ia guaritz
		de la colpa a nuil temps mais.
II		Tan es malvestaz creguda,
		e creis ades a totz antz,
	10	que cascuns malvais hom cuda
		eser valentz e prezantz,
		sol sia bel e ben vestiz,
		e·l tortz qu'es fatz . . . . . . :
		garda si·l semblanz es verais!