Meyer, Paul. Les derniers troubadours de la Provence d'après le chansonnier donné à la Bibliothèque Impériale par M. Ch. Giraud. Paris: Librairie A. Franck, 1871.

Codi: 103,002 et 427,002 Autor: Lo Bort del rei d'Arago, Rostaing Berenguier de Marseilla Gènere: Cobla (et réponse) Número: X, 2b

 

Midons m'es enperativa / D'amor de joy genitiva

		Peticio del Borc.
I	1	Midons m’es enperativa
		Car mi consen l’optatiu,
		E sim fos indicativa
		Quem mostres son conjunctiu
	5	For amors infinitiva ;
		E quar em correlativa
		Volgra de mi far actiu
		E de leys fayre passiva.
		Remisio de monsen ROSTAINH.
II		D’amor de joy genitiva,
	10	Quar n’ay semblan vocatiu,
		Am tal qu’es nominativa
		De fin pres nominatiu ;
		E car es de joy dativa,
		En ren non acusativa,
	15	Vas leys mi rent e m’altiu
		Ses volontat ablativa.