Meyer, Paul. Les derniers troubadours de la Provence d'après le chansonnier donné à la Bibliothèque Impériale par M. Ch. Giraud. Paris: Librairie A. Franck, 1871.

Codi: 246,002 Autor: Guillem de l'Olivier d'Arle Gènere: Cobla Número: XV, 6

 

Aitant sert con ha tres leguas

		En G. DE LOBEVIER. (f. 6vº).
I	1	Aitant sert con ha tres leguas
		D’Arle[s] entro Tharascon
		Son tres cauzas, sert en son,
		A c’om conoys donnas peguas :
	5	L’una es can fug solas
		De sels en cuy son honrada ;
		L’autra es cant hill retras
		Al marit qui l’a preguada ;
		La tersa es .j. pauc fada
	10	Cant nom per ellas deissent ;
		E non o sabon grazir.
		Per quem fan mans endurzir
		De far aquell onrament ;
		Per qu’ieu prec, vailha ho non vailha,
	15	Cascuna si gart de failha.