Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Glossari

* Davantal
* Bibliografia
* Testimonis
* Notes
* Traduccions
* Imatges

 

Appel, Carl. Der Trobador Cadenet. Halle a. S.: Verlag von Max Niemeyer, 1920.

Codi: 106,002 Autor: Cadenet Gènere: Canso Número: VII

 

Aco·m dona ric coratge

I
1
     Aco·m dona ric coratge
   
     de preiar et ardimen,
   
     Amors, que don’ espaven
         ad autre fin amador,
 
5
     que, qan sa dompn’ a valor
   
     e beutat e cortesia,
   
     no·l ausa son talen dir ;
   
     pero mi fai enardir
         mais que si re no·n avia.
 
10
com hom mais cuida conquerer,
    major ardimen deu aver.
     
II
 
     A faire gran vassalatge
   
     s’eschai ben c’om aia sen ;
         pero plus ardidamen
 
15
     o fai qui i mescla follor ;
   
     car anc bon envazidor
   
     non vim, si non fetz foillia ;
   
     e no·is taing ges c’om s’albir
         tot so qu’en pot avenir,
 
20
     car ja ren ben no·n faria,
   
qez ieu n’ai ben vist dechazer
    tal qu’era pros, per trop temer.
     
III
 
     Temer deu hom vilanatge
         far e tot deschausimen
 
25
     e vas si donz faillimen
   
     e vergoigna e desonor,
   
     mas d’aiso·m don ieu temor ;
   
     que s’ieu aisso non temia
         ni vas ma dompna mentir,
 
30
     trop cuidaria faillir.
   
     pero ieu fatz tota via
    on mais e mieils puosc, son voler ;
   
e, s’ieu faill, no·n ai pro saber.
     
IV
 
     Tant m’agrat de vostr’estatge,
 
35
     dompna, e tant mi son plazen
   
     tuich vostre chaptenemen,
   
     e tant vos port fin’amor,
   
     que s’ieu plus fort que non cor
         us cavals de pretz, corria,
 
40
     quan vuoil lai on etz venir,
   
     segon so quez ieu desir
   
     esser ab vos, cuidaria
   
anar, dompn’, ab trop gran lezer.
    gardatz si i ai ben mon voler !
     
V
45
     Dompna, eu ai un usatge :
   
     que (segon mon escien
   
     per sobr’enamoramen
   
     e car vos port tant d’onor)
         qan vostra fresca color
 
50
     avinen ses maestria
   
     e vostre gen cors remir,
   
     sui tant gauzens, q’al partir
   
     m’en creis ira e feunia,
    c’atressi n’ai gran desplazer
 
55
qan no·us vei, cum joi del vezer.
     
VI
 
     Tant ai en vos mon coratge,
   
     plus qu’en autra ren viven,
   
     per que·m par que chauzimen
         del vostre fin amador
 
60
     vos penra, que gran honor
   
     hi faretz e cortezia,
   
     qu’en vos ai mes mon dezir
   
     e mon amar ses mentir,
         e farai o tota via,
 
65
quar vos me podetz retener,
    quez en mais ren non ai esper.
     
VII
 
     Lauzengier, grazida·us sia
   
     l’onors qe·m faitz ab mentir,
         car vos faitz cuidar e dir
 
70
     q’ieu am tal per drudaria
   
on anc jorn non aic mon esper,
    et ab mentir cobretz lo ver.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI