Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction

* Présentation
* Bibliographie
* Témoignage
* Appareil critique
* Notes
* Images

Levy, Emil. Der Troubadour Bertolome Zorzi. Halle: Max Niemeyer, 1883.

Code: 074,014 Auteur: Bertolome Zorzi Genre: Canso Numero: XV

Pron si deu mais pensar al mieu semblan

I
1
Pron si deu mais pensar al mieu semblan
   
Qui serv autrui de servir bon senhor,
   
Que non si deu senher anar pensan,
   
S’aicel es bons cui pren per servidor ;
 
5
Car servire tanh que fassa et autreja
   
Tot so qu’el pens c’al senhor plazer deja,
   
El senher deu ses plus far per razo
   
Al servidor del servir guiderdo,
   
Per c’a dreich tanh que tota gens lom creja.
     
II
10
Mas s’om si met a senhor esperan
   
Conquerer pretz e benfaich et honor,
   
El troba enic, orgolhos e tiran,
   
Com qu’aj’en lui semblansa de valor,
   
Si no s’en part, en fol atur badeja,
 
15
C’a razon tanh que totz hom pros descreja
   
Qu’el jai pogues gauzir bel faich ni bo,
   
E car servir longamen en perdo
    Te hom per pieitz que ren qu’auja ni veja.
     
III
 
Per que mos cors qu’a servit ses engan
 
20
A tal dona c’anc nom mostret amor,
   
C’al cap del cors noi trobes ses pro dan,
   
Senblera’n fols, si segues la follor ;
   
Don ai talan que del tot m’en recreja,
   
Quar eu conosc, c’om malmenatz desreja
 
25
Quil sieu malmet per tant pauca ochaio
   
Que nol poja nil dissen un boto,
   
El plus nois tanh qu’e mon chantar espleja.
     
IV
 
Mas membre li que son passat cinc an
   
Qu’en lieis foron tuich mei desir major,
 
30
E membre li qu’ieu trais son pretz enan
   
Tant qu’el fon rics de veraja lauzor,
   
E membre li, quan dona a tort feuneja
   
Vas cel quil serv e l’enanssa elh merceja,
   
Qu’il conquer tant desavinen resso
 
35
Que senes far d’alres gran falhiso
    Sos pretz si franh e sa lauzors se pleja.
     
V
 
Mas s’ieu ai faich ni dich son benestan,
   
Si ben m’en es mal pres, non ai dolor,
   
Car mos devers era de far aitan,
 
40
Qu’estiers amans non poja en pretz aussor ;
   
E s’ieu ai faich ni dich causa quelh greja,
   
Ben hi ai dol ses voler quem plaideja
   
D’aisso ab lieis ni qu’en queira perdo,
   
C’oimais non es de mia entencio
 
45
Qu’il m’ame mout ni que trop mi guerreja.
     
VI
 
Servirs non val lai on dreitz non plaideja
   
Ni plaidejars lai on merces sordeja,
   
Anz i pert hom son dreich e sa razo ;
   
Per que alhors irai querre mon pro,
 
50
E prec amor qu’a bon senhor m’autreja.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI