Soltau, Otto. Die Werke des Trobadors Blacatz. "Zeitschrift für romanische Philologie", 23 (1899), pp. 201-248.

Code: 097,003=353,002 Auteur: Blacatz , Pelizier Genre: Échange de coblas Numero: III

En Pelizer cauzetz de tres lairos

		En Blacatz e Peire Vidal.
I	1	En Pelizer cauzetz de tres lairos,
		Lo qal pres peiz per emblar menuders :
		Que l’us perdet lo pe per dos capos
		E·l poing destre, e puois fo senestrers ;
	5	E·l segonz fo pendutz per dos diniers,
		Mas aiqi ac un pauc trop de venianza ;
		E·l terz fo orbs, car emblet una lanza
		E la chapa de·l monge de·ls mosters.
		Lo peliziers respondet a en Blacatz en aqesta cobla:
II		Segner Blacatz, aicho lor es grans pros
	10	Qe vos cuidatz lor sia destorbers ;
		Q’en vi Durban, qant er aitals com nos,
		Anar a pe, mas ar a dos destriers ;
		E·l pendutz es eissitz de consirers,
		Qe no sent freich ni fam ni malananza ;
	15	Et en l’orb trop aitan de megloranza,
		Qe ia mais sols non ira volontiers.