Soltau, Otto. Die Werke des Trobadors Blacatz. "Zeitschrift für romanische Philologie", 23 (1899), pp. 201-248.

Code: 254,001 Auteur: Isnart d'Antrevenas Genre: Sirventes (avec réponse) Numero: IX, b

De·l sonet d'en Blacatz

		N’Isnarz d’Antravenas.
I	1	De·l sonet d’en Blacatz
		Sui tant fort enveios
		Qe descortz e chanzos
		E retroenzas i faz ;
	5	E quar vei q’a lui plaz
		Sirventes i faria
		Si faire l’i sabia ;
		E pos far no l’i sai
		Una danz’i farai,
	10	Coindet’e benestan,
		Qe chanto·ill fin aman,
		E mova de coindia.
II		Si plagues a·n Blacatz,
		Pos novels es lo sos,
	15	Mais valgra sa chanzos
		S’i meses puois e praz
		Horz e vergers foillaz,
		Espaign’et Almaria
		E Franz’e Lombardia
	20	E los bous Bertelai
		E los loncs iornz de mai
		E·l dotze mes de l’an
		E l’herba Saint Iohan
		E la pasqa floria.
III	25	De tant fo mal menbratz
		Car dons Rainartz lo ros
		Ni Belins lo moutos
		N’Isingrins l’afilaz
		Ni Floris, q’er’amaz,
	30	Ni Milans ni Pavia
		Ni·l Puois Sainta Maria
		Ni chiflas de Roai
		Ni Raols de Cambrai
		No·i foron ni·l deman
	35	De Perceval l’enfan
		N’i fo l’alba de·l dia.