Chaytor, H. J.. Poésies du troubadour Perdigon. "Annales du Midi", 21 (1909), pp. 153-168, 312-337

Code: 370,002 Auteur: Perdigon Genre: Deux coblas Numero: IX

Be·m dizon, s'en mas chanssos

I	1	Be·m dizon, s'en mas chanssos
		fezez sonetz plas e gais,
		que mos chans en valgra mais ;
		et eu segon mas razos,
	5	taing que fassa motz et sos ;
		qu'il auzon ben qu'ancse·m plaing
		en chantan del mal d'amor ;
		e s'ieu chan de ma dolor,
		non lor deu esser estraing
	10	si no·m fatz sos coindes ni galaubiers,
		qu'ab marimen no s'acorda alegriers.
II		E, car eu sui envejos
		de totz avinens assais,
		conosc qu'enoia als savais,
	15	per qu'ieu m'o pretz per un dos ;
		e ja malvaz nuaillos
		no·m tolran tant ric gazaing
		si puosc conquerre valor
		ab sola lieis cui ador
	20	qu'es aurs en poder d'estaing ;
		plassa·l mos bes puois sieus sui domengiers,
		a mon dan met gelos e lausengiers.