Aston, S. C.. Peirol. Troubadour of Auvergne. Cambridge: University Press, 1953

Code: 097,008 =366,025 Auteur: Blacatz , Peirol Genre: Échange de coblas Numero: XXVII

Peirol, pois vengutz es vas nos

          

		En Blacatz a ‘N Peirol
I	1	Peirol, pois vengutz es vas nos
		vai tost, (et er rics tos chaptals),
		vas la dompna q’es bel’ e pros,
		franch’ e cortesa e leials,
	5	lai devas Trez; e don te per despendre
		un dels seus dons, e seras rics del mendre.
		Lo parentat volgra donar o vendre
		sol qe·m poges laz son bel cors estendre.
		Peirol li respondet enaissi:
II		Car el’ es bon’ et eu sui bos
	10	be m’eschazegra dompn’ aitals,
		e car sui francs et amoros
		e vas dompna fins e leials.
		Qi·l parentat vendes, lo feira pendre,
		q’eu agra lei, no s’en pogra defendre,
	15	et agra pois guierdon de l’atendre
		q’eu fi en tal qe anc no lo·m volc rendre.