Jeanroy, A.. Poésies provençales inédites d'après les manuscrits de Paris. "Annales du Midi", 17 (1905), pp. 457-489

Code: 293,014 Auteur: Marcabru Genre: Vers Numero: IX

[Co]ntra [li]uern que se[n]ansa

I	1	[Co]ntra [li]uern que se[n]ansa
		Ab cossi[ri] er quem as[sa]ilh
		Mes belh [q]ue del chant [m]enans
		Ans [q]uautre cossiriers massalha
	5	Pus per un cosselh descrec
		Nom es ops quautre men cresca.
II		Quieu sui assis entrebalh
		E leuatz en la balansa
		Daquesta say quem trebalha
	10	Em ten en aquest balans
		Qu'ab doussa sabor azesca
		Sos digz de felho azesc.
III		Mos talans es a semblansa
		So e no so d'un entalh
	15	Pueys del talent nays semblans
		E pueys ab son dig lentalha
		Quar si lus tray ab mal uesc
		Lo brico lautre lenuesca.
III		La mar daquesta nom falh
	20	Pels tricx enoios damansa
		Ab sol quen amar nom falha
		Em sia damar amans
		Ab guizardon quem paresca
		Plus tozetz que non paresc.
IV	25	Per cuiatz nay esperansa
		Quen quer ab mi senguafalh
		Mas tan nay bons esperans
		Estranhs de corta guafalha
		Quen mieg mon afar folesc
	30	Non dic paraula folesca.
V		La musa port el badalh
		Selh quen amar a fizansa
		Questra grat mus e badalh
		Souen so uos afizans
	35	Quamors adoncx entrebresca
		Enginhos desentrebresc.
VI		Ab felhona deziransa
		E destranhatge baralh
		Pays amors los dezirans
	40	Cuy uir e uol em baralla
		Qunam na en ufanesc
		Pagut daital ufanesca.
VII		Desta quieu chant es sobrans
		Sos pretz senes deuinalh
	45	Et en ualor es prezans
		Neychas segon deuinalha
		Quar si per lieys nom espresc
		Non aten quautra mespresca
IX		Selh qui fes lo uers el tresc
	50	No sap don si mou la tresca.
		Marcabrus a fag lo tresc
		E no sap don mou la tresca.