De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 217,001a Auteur: Guilhem Figueira , Aimeric de Peguilhan Genre: Cobla (et réponse) Numero: CIV

Anc tan belh colp de joncada

		FIGERA:
I	1	Anc tan belh colp de joncada
		No cui qe hom vis
		Com det l’autrer Jacopis
		A ’N Guillelm Testa-pelada;
	5	Qe, qi n’aja deport,
		El aja ira e desconort;
		E, se tot ac de joncadal cap blanc,
		Mantas vez l’a agut negre de sanc.
		N’AIMERIC DE PIGUILLAN:
II		Anc tan bella espazada
	10	No cuit qe hom dis
		Com det N’Auzers sus el vis
		A ’N Guillem Gauta-segnada;
		Q’el vis lo feri tant fort
		C’un petit n’a l’un oill tort,
	15	El cill, qe sol aver negr’, era blanc
		El cais plus ros d’escerlatra e de sanc.