De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 010,007a=437,003a Auteur: Aimeric de Peguilhan , Sordel Genre: Échange de coblas Numero: CVI

Anc al temps d’Artus ni d’ara

I	1	«Anc al temps d’Artus ni d’ara
		No crei que homs vis
		Tan bel colp cum en las cris
		Pris Sordels d’un’ engrestara;
	5	E, sel colps non fo de mort,
		Sel qel penchenet n’ac tort;
		Mas el al cor tan umil e tan franc
		Q’el prend en patz totz colps, pois noi ve sanc».
II		«Anc persona tan avara
	10	No crei que homs vis
		Cum al veils arlots meschis
		N’Aimerics ab trista cara;
		Sel qel ve a pez de mort;
		E, sitot a son cors tort,
	15	E magr’e sec e vel e clop e ranc,
		Mil aitans dis q’el no fes anc».