De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 156,004=097,002 Auteur: Falquet de Romans , Blacatz Genre: Échange de coblas Numero: CXII

En chantan volh quem digatz

I	1	En chantan volh quem digatz,
		Senh’En Blancatz:
		Se vai l’Emperaire
		Vas la terra on Deus fon natz,
	5	Vos qu’en pessatz
		O qu’en cujatz faire?
		Qu’eu voirai retraire
		Zo queus n’er vejaire:
		Sel viatge vos agenza
	10	O sios platz la remanenza;
		C’ancor non a gaire
		Quil Contessa de Proenza
		Dis que, per sa entendenza,
		Eratz gais e chantaire.
		En BLANCATZ li respondet en aquesta cobla:
II	15	En Falquet, be voill sapchatz
		Qu’eu sui amatz
		Et am ses cor vaire
		Leis en cui es fina beutatz
		E gais solatz;
	20	Qu’elam pot desfaire
		E, ses vol, refaire,
		Que de pretz es maire;
		Ab sen et ab conoissenza
		Et ab bels dichz de plaisenza
	25	Sap cor de cors traire;
		Eu farai ma penedenza
		Zai, antre mar e Durenza,
		Apres del seu repaire.