De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 457,035 Auteur: Uc de Sant Circ Genre: Canso Numero: CXXVI

Ses dezir et ses razo

I	1	Ses dezir et ses razo,
		Que non ai don sia gais,
		Mi ven e mon cor em nais
		Us doutz volers, qem somo
	5	Q’ieu chan e fassa chansso,
		E qem done solatz et alegranssa
		E sia gais e q’en fassa semblanssa;
		Qe d’alegrier ven hom en bon esper
		E de bon’esperansa en gran plazer . . .
VI	10	Ves lei c’onra Calaon
		Voill que ma chanchons s’eslais,
		On beautat e prez verais
		An en lei faita maisson;
		Qu’ill viu a bon onrat resson,
	15	Na Joana, on toz bos faitz s’enansa
		Tan avinen, c’us noll’en mou mesclansa,
		Anz los trop toz acordar d’un voler
		El sieu ric prez lialmen mantener.