De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 080,022 Auteur: Bertran de Born Genre: Sirventes Numero: XVIII

Guerr’e pantais vei et afan

I	1	Guerr’e pantais vei et afan
		A maint baro malvatz, truan;
		Pauc m’es del dol e mens del dan;
		Perquem vuolh alegrar chantan,
	5	Quar ab joi vau et ab joi pes,
		E pensamen no m’empacha
		Ni sabers nom fai sofracha
		De far un novel sirventes.
II		Guerram platz, si tot guerram fan
	10	Amors e ma domna tot l’an,
		Quar de guerra vei traire enan
		Cortz e domnei, solatz e chan:
		Guerra fai de vilan cortes;
		Perquem platz guerra be facha,
	15	Em platz quan la tregua es fracha
		Dels esterlis e dels tornes...
VII		Gai mi te una gaia res
		Avinens, joves, be facha;
		Et ai ab lieis una pacha
	20	Com an Pisa ab Genoes.