De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 010,015 Auteur: AImeric de Peguilhan Genre: Canso Numero: CXL

Cel qui s’irais ni guerreja ab Amor

I	1	Cel qui s’irais ni guerreja ab Amor
		Jes que savis non fai, al mieu semblan,
		Car de guerra vei tart pro e tost dan,
		E guerra fai tornar mal en pejor;
	5	En guerra trob, per qu’ieu no la volria,
		Viltat de mal e de ben carestia;
		Mas fina Amors, si tot mi fai languir,
		A tant de joi qem pot ben esjauzir ...
VI		Chanssos, vai t’en de ma part e d’Amor
	10	Al bon, al bel, al valen, al prezan
		A cui servon Latin e Alaman
		El soplejon cum bon Emperador;
		Sobrels majors a tant de majoria,
		Larguesa e pretz, honor e cortesia,
	15	Sen e saber, conoissensa e chausir,
		Ric de ricor per ric pretz conquerir.