Nelli, René; Alibert, Louis; Sire, P. M.. Actualité des Troubadours (Les Troubadours de l'Aude). "Pyrénées. Cahiers de la pensée française", 2 (1941), pp. 118-210.

Code: 248,037 Auteur: Guiraut Riquier Genre: Canso Numero: II

Guilhem de Mur, que cuja far

I	1	Guilhem de Mur, que cuja far
		Le franc(s) rey(s) d'Arago de nos,
		Pusque l'avem trobat joyos ?
		Que mot me fay meravilhar,
	5	Car no·ns a dat a Monpeslier ;
		Qu'el sap qu'a mi a gran mestier,
		Si·l sove co s'es captengutz vas me,
		Per que, si·l play, esmendar m'o pot be.
II		Lo valen(s) rey(s) nos vol menar
	10	En G(ui)r(aut), vas Murci' abdos
		Per fort bonas doas razos ;
		E vol que l'anem ajudar
		Cascus en loc de soudadier,
		Car em gran e fort e sobrier ;
	15	L'autra per so car fara·ns lay gran be,
		Amicx G(ui)r(auts), cant aurem fag per que.
III		Guilhem, le reys lay fay anar
		Selh que son d'armas coratjos,
		E non es de mi ni de vos
	20	fag d'armas ni de nulh joglar ;
		Ni aras per sol alegrier
		Non la·ns vol, mas si el conquier,
		Cant er tornatz, nos dara tant, so cre,
		Qu'en serem ric, per qu'eras no·ns don res.
IV	25	Ges no·m pot far desconortar
		Que·l sieu(s) segre(s) no·ns sia pros ;
		E si·ns tratz un petit sos dos,
		El nos fa dos tans trebalhar
		C'als autres, ie·m pens, per loguier,
	30	N'ayam dobl'en G(ui)r(aut) Riquier,
		Sol contra selhs que mescrezon la fe,
		Aiam quecx cor, segon cum lo cors ve.
V		Guilhem, vos en voletz trotier
		Aver e pastor e bovier
	35	Dels Sarrazis e·l rey(s) dara lo·us be,
		Qu'ieu remanrai, car non an obs a me.
VI		G(ui)r(aut), sol que·m don bon destrier
		Lo rey(s) e rossi e saumier
		E l'antr' arnes, c'al mieu par se cove,
	40	yeu l'anarai per mantener la fe.