Kolsen, Adolf. Trobadorgedichte: Dreissig Stücke altprovenzalischer Lyrik. Halle: Max Niemeyer Verlag, 1925

[CdT en procés d'incorporació]

Code: 167,057 Auteur: Gaucelm Faidit Genre: Canso Numero: 14

Tant fort me creis amors en ferm talan

I	1	Tant fort me creis amors en ferm talan
		Per una bela flor
		Blanca plus d'autr'ab sa fina color,
		Vermeilla, mesclad'ab robis
	5	El sieu clar vis,
		Qu'es de gaia semblansa !
		C'ab sos bels hueils amoros e plazens
		M'a si ferit e nafrat dousamens
		Que tornat ai en Amor m'esperansa.
II	10	S'ieu soi tornatz amoros per semblan
		E vueill servir son bel cors blanc e lis,
		Non puesc ren als ; c'Amors m'a si sorpris
		Que'm fai aucir la soa fin'amansa
		Per la meillor, et es la plus plazens,
	15	Plus pros, plus savi'e plus conoisens,
		Que si'al mon, segon la mi'esmansa.
III		Amors m'a fait chauzir la plus prezan
		E·lh belazor d'amar, e·ill clam „mercis!"
		Qu'ill es la res que m'a del tot conquis,
	20	Si que sofrir me fes sol malanansa,
		E si merces et amors no la vens,
		Ill m'ausira estan en pensamens ;
		Tant ai lo cor en auta desiransa.
IV		E s'ieu merce li clam com fin aman
	25	E la pregues e'ill leialmens servis,
		Be'm degr'auzir, pos fis precx es asis
		El sieu gen cors, en cui ai ma fiansa ;
		Que lai on es beutatz e pretz valens,
		Non deu faillir merces ni chauzimens
	30	Ni guizardos de fin joi ses duptansa.
V		Si per merce merce·ill quier merceian
		E de genoils, mas jonhtas, son aclis,
		La vensera·m merces ! Laus so m'es vis
		D'auta dels pros, conoisens, ses vanansa.
	35	E retenra lo pretz e·ill valor gens
		Que ditz qu'eschai a beutat et a sens ;
		C'om ses merce no troba perdonansa.
VI		Ai, blanca flor vermeilha, dous flairan,
		Merce vos clam, e si vos vens mercis,
	40	Vostr'es lo laus e mi en paradis
		Podes metre de joi e d'alegransa !