Bartsch, Karl. Denkmäler der Provenalischen Litteratur. Stuttgart:Litterarische Verein, 1856

[CdT en procés d'incorporació]

Code: 244,016 Auteur: Guiraut d'Espanha , Anònim Genre: Dansa Numero: 1.2

Si nom secor dona gaja

I	1	Si nom secor dona gaja,
		Mortz sui per jase,
		Quem tai languir e maltraire,
		S'amors pro nom te.
II	5	Com sufrirai la dolor e la pena
		De fin' amor quem destreuh em malmena
		E m'a lassat ab cadena
		Lo cor dins el sen,
		Que lai on si vol mi mena
	10	Amors que m'a em te.
III		Mas si l'auzes dins en mon cor retraire
		A la bela de coi soi fis amaire
		Si com iel soi mercejaire
		Ho clamar merce !
	15	A tener m'er autra via,
		Pos amar pro nom te.
IV		Hueimais, dona, es sazos qu'ieu retraja
		Vostra valor qu'es plazens, [e] cueint' e gaja,
		Lai on mon fin cor s'apaja,
	20	Lo jorn queus ve[i].
		Non ai poder que mal aja,
		Quan de vos mi sove.