Bartsch, Karl. Denkmäler der Provenalischen Litteratur. Stuttgart:Litterarische Verein, 1856

[CdT en procés d'incorporació]

Code: 082,039 Auteur: Bertran Carbonel Genre: Cobla Numero: 2.8

D'omes atrobi totz aitals

I	1	D'omes atrobi totz aitals
		Co En Peire Cardenals di;
		Que lor faitz estan bestials,
		Que porc foran en Lemozi,
	5	S'aguesson coa, mas no l'an.
		E quils repren nils vai blasman,
		Ades los vey mai enfolir.
		Per que totz homs los deu fogir;
		E qui d'els no si pot lonhar,
	10	Tot cant dizon deu hom lauzar:
		C'atressi tanh als fols dire plazer,
		Co als savis, cant se pot eschazer.