Bartsch, Karl. Denkmäler der Provenalischen Litteratur. Stuttgart:Litterarische Verein, 1856

[CdT en procés d'incorporació]

Code: 082,045 Auteur: Bertran Carbonel Genre: Cobla Numero: 2.16

D'omes trobi que son de vil natura

I	1	D'omes trobi que son de vil natura
		Que son parlier, fol et otracujat
		E non gardon senhat ni dessenhat
		Ni segon drech ni razon ni mezura.
	5	Dic o per so c'om los deu comportar,
		Que d'autramen nulh non s'en pot onrar,
		Quel fols on pus vos blasmara,
		Adoncas pus vos lauzara.
		E si tenetz sos fols ditz a pezansa,
	10	Us autres fols en pren per cen venjansa;
		Per quel savi non deu al fol contendre,
		Car si onran si pot aysi defendre.