Bartsch, Karl. Denkmäler der Provenalischen Litteratur. Stuttgart:Litterarische Verein, 1856

[CdT en procés d'incorporació]

Code: 082,074 Auteur: Bertran Carbonel Genre: Cobla Numero: 2.35

Qui a riqueza e non val

I	1	Qui a riqueza e non val
		A sel qu'en deuria valer,
		May li play lo nom retener
		De malvays que d'ome cabal;
	5	Que la gens c'o sap lo desama
		E l'en blasma el met en fama.
		E qui si dona enemicx
		Per aiso, fols es e mendicx.
		Per qu'es bos sens c'om valha per gardar,
	10	C'om nol puesca repenre ni blasmar.