Bartsch, Karl. Denkmäler der Provenalischen Litteratur. Stuttgart:Litterarische Verein, 1856

[CdT en procés d'incorporació]

Code: 082,027 Auteur: Bertran Carbonel Genre: Cobla Numero: 2.41

Bertran lo Ros, yeu t'auch cobla retraire

I	1	Bertran lo Ros, yeu t'auch cobla retraire
		En tant cars rims que huey non es persona,
		Qu'en lo semblan respost te pogues faire;
		Per que tos cors a saber no s'adona.
	5	No fai valor sel qui nus vol sobrar,
		Cant es armatz, ni deu nulhs comensar
		Segon razo obra c'a fi no venha;
		Per qu'ieu ti prec hueimay ton cors s'en tenha.