Bartsch, Karl. Denkmäler der Provenalischen Litteratur. Stuttgart:Litterarische Verein, 1856

[CdT en procés d'incorporació]

Code: 082,053 Auteur: Bertran Carbonel Genre: Cobla Numero: 2.68

En aiso truep qu'es bona pauretatz

I	1	En aiso truep qu'es bona pauretatz,
		Car mostra sert qui ama coralmens.
		C'aitant cant yeu puesc servir suy amatz
		E car non puesc, cascus mi vai fugen.
	5	Per quem par fols segon mon essien
		Qui ses aver quier amicx ni cundansa.
		Aja lo pres que Rotlan pres en Fransa;
		Cortezia, beutat, saber e sen,
		Pus l'avers falh, non es prezatz nien.