Bartsch, Karl. Denkmäler der Provenalischen Litteratur. Stuttgart:Litterarische Verein, 1856

[CdT en procés d'incorporació]

Code: 246,069 Auteur: Guillem de l'Olivier d'Arle Genre: Cobla amb dos tornadas Numero: 3.3-3.5

Tota dona c'amors vensa

I	1	Tota dona c'amors vensa
		Tan que amic vol aver,
		Trie lo tal per [son] dever
		Que pueys non aja pendensa.
	5	Que mielhs er c'un pauc s'en tric
		Que si pueis per autrel gic;
		Que s'anc falhic en son camje vol far,
		Pus falh sil vol pueys per autre camjar.
		Donas, per cosselh vos dic
	10	Que si far voletz amic
		Lo fassatz tal, o vos laissatz d'amar,
		Que per autre nol vulhatz pueis laissar.
		Donas, crezetz mon prezic
		E nom tenguatz per mendic,
	15	C'ap un esgar rizen, sil voletz far,
		Lo pus arditz nous poira contrastar.