Anglade, Joseph. Les poésies de Peire Vidal. Paris: Librairie ancienne Honoré Champion, 1913

Code: 285,001 Auteur: Lanza Marques , Peire Vidal Genre: Tenso Numero: XXI

Emperador avem de tal maneira

		LANCIA
I	1	Emperador avem de tal maneira,
		Que non a sen ni saber, ni membransa :
		Plus ebriacs no s'assec en cadeira
		Ni plus volpilhs no port' escut ni lansa,
	5	Ni plus avols non causset esperos
		Ni plus malvatz no fetz vers ni chansos :
		Res non es meins, masque peiras non lansa.
II		Espaza volh que sus pel cap lo feira
		E dartz d'acier volh que·l pertus la pansa
	10	E brocas volh que·l tragan de lumeira;
		Pois li darem del vi, en loc d'onransa
		Un velh capel d'escarlat ses cordos
		E sa lansa sera us loncs bastos ;
		Pois pogr' anar segurs d'aqui en Fransa.
		PEIRE VIDAL
III	15	Lanza Marques, paubreza e nesceira
		Vos cochan fort, dolors e malanansa,
		Et etz com l'orbs que piss'en la carreira,
		Quant a perdut la vergonh' e membransa ;
		Plus sovens vens castels e domejos
	20	No fai velha gallinas ni capos,
		E s'anc fos francs, ar es sers ses duptansa.