Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 005,002 Auteur: Ademar de Rocaficha Genre: Sirventes Numero: III

No·m lau de midons ni d'amor

I	1-8	No·m lau de midons ni d'amor . . . . m . . . . u . . . . negun als . . . . a cosselh n . . . . qus per so . . . . quelh fas . . . . na ni am
II	9-10	Tug sil . . . . cor . . . . . . .
	11	cuion qe lur sia donatz
		astres que puescon ses valor
		esser valens, e falhon hi;
		quar anc valen home no vi,
	15	si non l'aconselhes valors,
		si ben s'a pron castelhs e tors.
III		Ar tenon solatz entre lor
		li malvay de lurs malvestatz
		et an belhs trobars aziratz,
	20	que a negun non l'a sabor;
		quascus se·n guaba e se·n ri,
		gieta lengua e fai bosci,
		quant au dire als trobadors
		que ses valor non es ricors.
IV	25	D'anta sospir e planc e plor,
		quar anc fuy tant enamoratz
		d'aisso, on guizardos e gratz,
		se y venguesson, agron paor,
		tant es d'avol cor e mesqui;
	30	ia mais no·m tenrai per devi,
		quar anc cugey bes ni honors,
		per qu'ieu fauc a vos mas clamors.