Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 244,002 Auteur: Guiraut d'Espanha Genre: Dansa Numero: LXXI

Gen m'ausi

I	1	Gen m'ausi
		midons, — e si·ll plazia
		c'apres si
		m'ausizes, be·m plairia
	5	e tenria
		per fina ma fi —
II		Quar sa fina
		valors no s'aclina
		tan c'aizin' a
	10	don mon cor s'afina,
		qu'en l'esquina
		mortal tenc l'espina,
		e muer mi,
		s'ela no·m met en via
	15	qu'ieu lai sia,
		on mal anc la vi;
III		Car sa cara
		no·m manda ancara
		nova clara,
	20	don beutatz s'ampara.
		pero ara,
		dousa dona cara,
		faitz de mi
		so que gen vos estia,
	25	c'obs m'auria,
		quar amors m'ausi.
IV		Gran enveia
		ai que midons veia,
		cui sopleia
	30	mon cor e s'autreia
		et esseia;
		e par qu'esser deia
		que de mi
		si'ela calque dia
	35	tant amia
		cant ieu l'ai cor fi.
V		Ses tot si
		ha beutat e coindia
		e pretz fi
	40	na Belengueir' a tria,
		e parria
		az onor de si.
VI		Anc pos vi
		n'Autreiat, nueit ni dia
	45	. . . . . . . .
		. . . . . No·m parti.